Меси подготвен за дуелот против Баерн

Аргентинскиот напаѓач Лионел Меси денеска тренираше нормално и ќе биде подготвен за дуелот в петок.

Барселона се подготвува за големата пресметка со Баерн во натпревар од четвртфиналето во ЛШ, а тренерот Кике Сетиен беше загрижен за здравствената состојба на Меси.

Вчера не го одработи тренингот поради ситна повреда која ја заработи против Наполи, но денеска одработи комплетен тренинг.

Тоа значи дека првиот стрелец и најдобар играч на Каталонците ќе биде подготвен за еден од најважните натпревари за Барселона оваа сезона.