Валверде ја сумираше годината за Барселона: Ако го поминевме Ливерпул…

Тренерот на Барселона, Ернесто Валверде ја сумираше годината за клубот и истакна дека таа можеше да биде многу поуспешна.

Каталонците имаа шанса да освојат три трофеи на крајот на минатата сезона, но на крајот ја освоија само Ла Лига.

Иако Барселона славеше со 3:0 во нивниот прв полуфинален натпревар во Лигата на шампионите, во реваншот загубија со 4: 0 и не стигнаа до финалето.

Малку подоцна, каталонскиот тим беше поразен во финалето на Кралскиот куп од Валенсија, а Валверде верува дека шокот од натпреварот против Ливерпул оставил белег врз неговите фудбалери и затоа Барселона остана без трофеј и во купот.

„Имавме шанса на Енфилд, но рано постигнаа погодок и почнавме да се плашиме дека ќе ни се повтори она што ни се случи во Рим.“ – изјави Валверде.

“Дојде момент на слабост и ние плативме за тоа. Тоа беше еден од најтешките периоди во годината. Мора да признаеме дека поразот што го доживеавме во Ливерпул имаше влијание во финалето на Кралскиот куп.”

„Да победевме против Ливерпул, ќе го победевме и финалето во Кралскиот куп“, додаде тренерот на Барселона.