Видео: Возбудливо лондонско дерби, Арсенал се врати од 0:2

Арсенал и Тотенхем одиграа исклучително возбудлив натпревар, со четири гола, кој на крајот заврши без победник.

Натпреварот започна одлично за „спарси“ кои поведоа во 10-та минута преку Ериксен, а во 40-та минута сидијата покажа на белата точка. Сигурен реализатор беше Хари Кејн кој зголеми на 2:0.

Арсенал не се предаваше, создаде неколку зрели шанси, а во последната минута од првото полувреме Лаказет го намали резултатот.

Во второто полувреме „топџиите“ имаа иницијатива, а Тотенхем спорадично се закануваше. Израмнувањето стигна во 71-та минута кога Обамејанг погоди на одлична асистенција на Гендузи.