Јувентус веќе ја пронајде замената за Пјаниќ

Миралем Пјаниќ игра уште една одлична сезона во дресот на Јувентус, но повторно се актуелни шпекулациите кои ги побрзуваат со Реал Мадрид, особено после враќањето на Зидан на клупата на „кралевите“.

Пјаниќ има договор со Јувентус до 2023. година, но италијанските медиуми пишуваат дека неговиот агент го „уценува“ шампионот од Серија А.

Поради тоа „бјанконерите“ се спремни да го пуштат плејмејкерот на крајот на сезоната доколку пристигне понуда од 80 милиони евра.

Италијанските медиуми пренесуваат дека Јувентус веќе почнал да ја бара замената за Пјаниќ, а прва желба е ѕвездата на Челзи, Нголо Канте.

Канте е еден од најважните фудбалери на Челзи и француската репрезетација, а во Торино сметаат дека би бил идеална замена за Пјаниќ и покрај фактот што сигурно доаѓа Арон Рамзи.

Сепак, на „бјанконерите“ воопшто нема да им биде лесно да го убедат Челзи да го пушти Французинот, а и конкренцијата ќе биде огромна.

Пјаниќ во дресот на Бјанконерите одигра вкупно 135 натпревари и постигна 19 гола, од кои четири гола оваа сезона.

Juve, Kanté prima scelta se parte Pjanic https://t.co/yAnHVAGAe6 pic.twitter.com/2xCs0F7Wdj

— calciomercato.com (@cmdotcom) March 25, 2019