Мурињо покрена истрага – Го бара шпиунот во соблекувалната

Фудбалерите на Манчестер Јунајтед ремизираа минатиот викенд на гостувањето против Челзи (2:2) во дербито од деветтото коло во англиската Премиер лига.

„Црвените ѓаволи“ со головите на Ентони Марсијал направија пресврт на 2:1 во второто полувреме и беа на чекор до победа, но потоа во петтата минута од судиското продолжение, Рос Баркли постигна гол за 2:2. Во центарот на вниманието на овој натпревар беше Жозе Мурињо кој сакаше да се тепа со еден од членовите на стучниот штаб на „Сините“, бидејќи беше видно испровоциран.

Сепак, обезбедувањето на стадионот брзо реагираше и спречи голем инцидент, но англиските медиуми пренесуваат дека португалскиот стратег би можел да добие суспензија. Но, изгледа дека тоа на Мурињо не му е најголем проблем, бидејќи е разочаран од состојбата во соблекувалната, односно открил дека има шпиун.

Како што пренесува „Mirror“, Мурињо одлучил да започне истрага што се однесува на играчите и членовите на стучниот штаб, бидејќи некој го открил почетиниот состав на екипата пред натпреварот. Португалецот дознал дека Сари неколку часа пред натпреварот го дознал составот на Јунајтед и заклучил дека некој ги дал информациите од соблекувалната на Јунајтед.

Она што најмногу го налутило Мурињо е дека составот за натпреварот на „Сините“ го нашол на социјалните мрежи во саботата наутро. Доколку дознае кој ги открил информациите од соблекувалната сигурно дека ќе се одлучи за жестока казна.