Менаџерот на Манчестер Јунајтед, Оле Гунер Солсјкер има големи проблеми пред дербито со Арсенал и најверојатно нема да може да смета на Рашфорд, Погба и Марсијал.
Норвежанецот сигурно нема да може да смета на Маркус Рашфорд, голема е веројатноста Антони Марсијал да не биде подготвен за игра, а на мечот со Рочдејл повредата ја обновил и Погба, па Французинот е во трка со времето и не се знае дали ќе настапи во дербито во понеделник.
Уште еден поткаст! Fat Cacko: Од гитара до Fat kitchen bistro и најдобриот бургер во градот ↓↓↓
„Погба е во трка со времето. Дали е неизвесен? Дефинитивно неговиот настап е неизвесен. Нема да ризикувам со Рашфорд и Марсијал. Ќе излеземе против Арсенал со она што го имаме на располагање, повредите се дел од фудбалот“, изјави Солскјер.
Единствена позитивна вест за Солскјер е враќањето на Лук Шоу, кој ќе биде спремен за дербито против Арсенал.