Челзи повторно на удар: Вработил татко на фудбалер како – лажен скаут!

Поради информациите до кој дојде „Фудбал Ликс“ Челзи овие денови се наоѓа на насловните страници.

Имено, вчера беше објавена ситуацијата со Н’Голо Канте и неговото одбивање да ги прекрши правилата, додека денес „сините“ повторно се најдоа во центарот на вниманието поради друг играч.

Оваа информација ја објави данскиот „Политикен“ , секако повикувајќи се на „Фудбал Ликс“. Во прашање е фудбалерот Андреас Кристенсен кој додека Антонио Конте беше во клубот имаше стандардно место, но по доаѓањето на Сари не добива премногу прилика за игра.

Имено, Челзи го вработил таткото на Кристенсен како лажен скаут пред шест години со огромна плата. Таткото на фудбалерот добил плата во износ од околу 600.000 фунти иако претходно никогаш не работел како скаут, па очигледно е дека се работи за измама.

„Сините“ ова го направиле со цел Андреас да се пресели во Англија на 16 години.