ФОТО: Модриќ не му дозволи на Меси да дише ниту на церемонијата на ФИФА

Церемонијата на ФИФА за најдобар играч во светот во 2017. година беше одржана синоќа во Лондон.

На оваа свечена церемонија не видовме никакво изненадување, бидејќи според очекувањата за најдобар играч во светот беше избран Кристиано Роналдо. Португалецот така зад себе го остави својот најголем конкурент Меси, додека на третото место е Нејмар.

Меѓутоа, фотографијата која стана хит на социјалните мрежи во главната улога ја има Лука Модриќ. Додека фотографот го сликаше Меси не ни видел каква позадина ќе има. Секако, коментарите започнаа кога сликата се појави, а своите пет минути ги добија навивачите на Реал Мадрид.

„Модриќ сериозно ја свати улогата да не го пушта Меси од вид“, гласи еден од коментарите на Твитер.