ФОТО: Еве за кого гласаа Меси и Роналдо за најдобар фудбалер во светот

Во Лондон синоќа беше одржана церемонијата на ФИФА за најдобар фудбалер во 2017. година.

Според очекувањата наградата за најдобар играч ја освои Кристиано Роналдо кој зад себе ги остави Меси и Нејмар. Португалецот имаше одлична сезона во Реал Мадрид со кого ја одбрани титулата во ЛШ, а „Кралевите“ по неколку годишната пауза повторно станаа шампиони на Шпанија.

Роналдо доби убедливо најмногу гласови од селекторите и капитените на репрезентациите, но како капитени на своите селекции и тие мораа да гласаат. Се разбира, како и секогаш тие останаа лојални на своите играчи од Реал Мадрид, односно Барселона.

Најдобриот играч во светот гласовите ги даде за Модриќ, Рамос и Марсело. Од другата страна, Меси на првото место го стави Суарез, додека зад него останаа Иниеста и Нејмар кој меѓувремено го промени клубот.