Тројца тренери „висат“: За некого ова можеби нема да биде интересна ноќ

После неколкунеделна пауза љубителите на фудбалот повторно ќе можат да уживаат во Лигата на шампиони, сепак, за некои тренери можеби вечерва нема да биде многу интересно.

Како што е познато, тренерите на Реал Мадрид, Јулен Лопетеги, Баерн Минхен – Нико Ковач и Манчестер Јунајтед – Жозе Мурињо, се под огромен притисок и во случај на неуспех вечерва можат да ги пакуваат куферите.

Тимот на Мурињо има најтешка задача бидејќи на „Олд Трафорд“ доаѓа Јувентус со Кристиано Роналдо. Нешто полесна задача ќе има Нико Ковач кој со својот Баерн му гостува на АЕК, додека најлесна задача на хартија ќе има Реал Мадрид кој ја пречекува Викторија Плзен.

Дали вечерва некој од овие тренери ќе добие карта во еден правец, останува да видиме.