УФЦ откри кој ќе се бори пред Белата куќа на роденденот на Трамп (Фото)

Дејнa Вајт за време на УФЦ 326 објави кој ќе се бори на спектаклот пред Белата куќа, кој ќе се одржи пред резиденцијата на американскиот претседател на 14 јуни. Настанот се вика “UFC Freedom 250” во чест на 250-годишнината од американската независност. Се одржува на Денот на знамето на САД, но и на 80-тиот роденден на Доналд Трамп.

Откривањето на листата на борби разочара фановите на UFC. Двете главни борби се многу атрактивни, но останатото не е. Во ко-главната борба ќе се судрат Алекс Переира и Сирил Гане за привремената титула во тешка категорија.

Кулминацијата на вечерта ќе биде борбата во која Илија Топурија и Џастин Гејчи ќе се борат за појасот во лесна категорија. Останатиот дел од програмата нуди борби кои се далеку од очекуваните. Трамп најавуваше дека во неговиот двор ќе се одржуваат мечеви исклучиво за појаси, фановите се надеваа на Конор Мекгрегор, Џон Џонс, Шон Стрикланд… но ништо од тоа. 

THE OFFICIAL BOUT LIST FOR #UFCWhiteHouse

[ LIVE Sunday June 14 on @ParamountPlus ] pic.twitter.com/06d09Tm0jZ

— UFC (@ufc) March 8, 2026