Полека се ближи крајот на една ера, Антоан Гризман го напушта Атлетико Мадрид, каде што остави огромна трага и беше еден од најдобрите играчи на овој клуб некогаш.
Да се влезе во неговите копачки ќе биде исклучително тешко, а управата на клубот има задача да донесе негова замена и таа би можела да биде фудбалерот на Пари Сен Жермен.
Тоа е Ли Канг Ин, момче од Јужна Кореја кое добива шанса кај Луис Енрике, но најчесто е во ротација. Оваа сезона, 3 гола и 4 асистенции во сите натпреварувања.
ПСЖ има желба да му понуди нов договор, но ако пристигне соодветна понуда со задоволство ќе го продаде.
Според „Скај спортс”, Ли Канг Ин е проценет од страна на Пари Сен Жермен на 40 милиони евра, а доколку Атлетико сака да ги уплати тие пари, ќе има левоног фудбалер во своите редови.
Учество во игри на среќа е дозволено за лица со 18+ години. Играј одговорно!