Солскјер со понижувачка изјава за Лукаку

Менаџерот на Манчестер Јунајтед, Оле Гунар Солскјер даде „понижувачки“ коментар за поранешниот напаѓач Ромелу Лукаку.

Имено, Норвежанецот изјави дека претпочита ситуација во која му недостасува еден напаѓач наместо да го држи незадоволниот Ромелу Лукаку на „Олд Трафорд“.

„Во случајот со Ромелу, неговите мисли едноставно не беа на вистинското место за да ни помогне. Не сакам да зборувам премногу за оваа тема. Ромелу е одличен играч и личност, но неговото време овде заврши“, изјави Солскјер.

Белгискиот напаѓач беше продаден на Интер летово за сума од 70 милиони евра. Сепак, ова остави голема дупка во нападот на „црвените ѓаволи“, кои за оваа позиција можат да се потпираат само на Маркус Рашфорд и Антони Марсијал.