„Се плашам од cмртта, но сум возбуден да дознаам што има на другата страна“

Денес фудбалскиот свет остана без италијанската легенда Џанлука Вијали кој почина на 58-годишна возраст по долга борба со ракот на панкреасот.

Со оваа болест Вијали се бореше пет години, а втората битка не успеаа да ја добие откако пред еден месец состојбата му се влоши.

Пред пет години Вијали дозна дека има рак на панкреасот и во првиот обид успеа да победи, меѓутоа болеста се врати и беше приморан да се повлече од репрезентацијата на Италија по ЕУРО 2020 каде што беше во улоган а помошник.

Вијали до последен момент се бореше, а неговата изјава кога му беше откриен ракот покажува за каков човек стануваше збор.

„Се плашам од cмртта, тоа е нормално. Не знам кога моето светло ќе се изгаси и не знам што има од другата страна на тунелот и сум возбуден да дознаам.

Ќе бев сигурно посреќен да не бев болен, но сега го прифаќам тоа како дел од животот и мора храбро да го живеам да научам нешто. Животот е 10% она што ни се случува, а 90% како ние реагираме на тоа“, зборуваше Вијали.

Вијали е легенда на италијанскиот фудбал и како фудбалер настапуваше за Сампдорија, Јувентус и Челзи. Во 1991 година со Сампдорија ја освои единствената титула во историјата на овој клуб.