Реал Мадрид го „украл“ Валверде пред носот на Барселона

Играчот за врска на Реал Мадрид, Федерико Валверде бил мета на Барселона, Манчестер Јунајтед и Арсенал пред да се пресели на „Сантиаго Бернабеу“ во 2016 година.

Валверде најпрво играше во Реал Кастиља, но оваа сезона покажува одлични партии за првиот тим и покажа дека може да биде иднина на „кралевите“.

Претседателот на Пењарол, матичниот клуб на Валверде откри дека играчот можел лесно да заврши во Барселона.

„Валверде во иднина ќе ја освои Златната топка. Тој е еден од најголемите играчи на Уругвај заедно со Суарез и Форлан. Тој е неверојатен талент кој го разбира фудбалот и напредува секоја година. Арсенал најпрво го покани во неговиот тренинг капм, а потоа дојдоа со понуда која не ја прифативме. Манчестер Јунајтед и Барселона исто така го следеа и беа спремни да го донесат, но не сакаа да ја платат бараната сума“, објаснува Родолфо Катино.

„Реал ја искористи таквата ситуација и силно го посакуваше Федерико бидејќи нивниот скаут виде нешто специјално во него. Дојдоа во Монтевидео, се договоривме и го купија играчот“.

"Arsenal came to Montevideo to sign Valverde, but their offer was too low"https://t.co/8d3KtuiY65

— AS English (@English_AS) November 29, 2019