Грешка на деценијата: Арсенал одбил да го ангажира Валверде

Федерико Валверде, кој со годините се етаблира како главен играч на Реал Мадрид и сега е еден од капитените, се присети дека како тинејџер Арсенал одбил да го ангажира.

Пред точно десет години тој како играч на Пењарол, бил на еднонеделна проба кај „топчиите“, но Англичаните решија да не го доведат.

„Арсен Венгер во тоа време сè уште беше менаџер на Арсенал. Имав 16 години и веднаш си реков дека ова ќе биде мојот клуб и таму ќе пораснам како фудбалер“, се присети Уругваецот во интервју за „Марка“.

„Тренирав покрај неверојатни фудбалери, но не знаев англиски и морав постојано да ми кажуваат што да правам. Најмногу ми помагаа Алексис Санчез, Санти Казорла и Хектор Белерин“, додаде Валверде.

Сепак, на крајот, Арсенал не ја искористи шансата да го задржи. Реал Мадрид не ја пропушти можноста и во летото 2026 година го привлече за 5 милиони евра.