Раул без Стоилов и Македа против Целје

Македонскиот претставник Вардар во сабота со почеток во 17:45 го игра натпреварот од СЕХА лигата против Целје.

За овој натпревар шпанскиот стратег на клупата на црвено-црните, Раул Гонзалес не ќе може да смета на услугите на Шпанецот Македа и Стојанче Стоилов.

Стоилов кој е капитен на Вардар нема да настапи поради повреда на коленото, Македа заработил повреда на мускулот во натпреварот против ППД Загреб.

Покрај овој двоец, надвор од терените е и Рожерио Мораес кој се повреди во дербито од Лигата на шампионите во Скопје против шпанска Барселона.