Претседателот на Атлетико: Ако ЛШ не се доигра, ние треба да го добиеме трофејот

Претседателот на Атлетико Мадрид, Енрике Серезо се пошегува дека неговиот клуб треба да го добие трофејот од Лигата на шампиони, во случај турнирот да не се доигра.

УЕФА ги разгледува опциите за промена на форматот, па остатокот од турнирот најверојатно ќе се доигра во рок до 20 дена во Лисабон.

Атлетико веќе се пласираше во четвртфиналето откако го елиминира актуелниот шампион Ливерпул.

„Хопотетички, ако ЛШ не се доигра ние треба да го земеме трофејот и да бидеме шампиони, бидејќи го елиминиравме шампионот. Се уште има неколку меча од елиминациите и разбираме зошто УЕФА се обидува да го централизира турнирот. Се зборува дека ќе се доигра во Португалија или Шпанија, но се уште нема конечна одлука“, изјави Серезо.