„Пред три години не можев да замислам дека еден Лазаров ќе ми биде пријател“

Рок Овничек ја игра втората сезона во Нант каде што ја дели соблекувалната со македонската ракометна икона Кирил Лазаров.

25 годишниот среден бек пред дуелот со Целје Пивоварна Лашко имаше интервју за словенскиот „rtvslo.si“. Во интервјуто помеѓу другото Овничек зборуваше и за Лазаров. Тој истакна дека пред неколку години не можел ниту да замисли дека Лазаров ќе му биде пријател.

„Системот во кој играме тука ми одговара, одлично се сложувам со соиграчите и тренерот. Многу ми помогна Лазаров, од него се обидувам да учам колку што е можно повеќе затоа што од таков играч имате многу што да научите. Тој воопшто не се однесува како ѕвезда. Пред три години не можев да замислам дека еден Лазаров ќе ми биде пријател. Навистина сум пресреќен што имам прилика да играм со него“, зборуваше Овничек.