Пикси го советува Влаховиќ: Смени го клубот, но остани во Серија А

На легендарниот Драган Стојковиќ – Пикси одлично му оди на клупата на Србија со која и се избори за директен пласман на Светското првенство во Катар. Еден од најдобрите српски фудбалери во овој момент е Душан Влаховиќ кој игра фантастично во дресот на Фиорентина.

Голем број клубови од најсилните првенства покажуваат интерес да го доведат Влаховиќ во своите редови. Јувентус е најсериозен кога се италијанските клубови во прашање, но тука се уште Сити, Тотехем и Арсенал од Премиер лигата.

Пикси го советува Влаховиќ да го промени тимот, но да остане во Италија.

„За Душан имам само еден совет во овој момент – смени го тимот ама остани во Италија! Сигурен сум дека Серија А е најдоброто првенство за негов понатамошен напредок и развој. Во иднина ќе има време да се проба и во други првенства“, изјави Пикси.

Сезонава Влаховиќ во Серија А постигна 10 гола и е на првото место на листата стрелци со Чиро Имобиле од Лацио.