Официјално: Модриќ го продолжи договорот со Реал Мадрид

Искусниот играч за врска Лука Модриќ потпиша нов договор со Реал Мадрид.

Модриќ веќе со години е еден од најдобрите играчи за врска во светот, а се беше крунисано пред три години кога беше избран за најдобар играч во светот и ја освои Златната топка.

И оваа сезона Модриќ беше еден од поважните играчи на „кралевите“, но се шпекулираше дека на крајот од сезоната може да си замине.

Модриќ имаше договор со Реал до крајот на сезона и имаше најави дека Перез сака да го подмлади тимот и дека хрватскиот играч за врска може да замине. Меѓутоа сега е јасно дека тоа нема да се случи затоа што 35 годишниот Хрват официјално стави потпис на договор до крајот на наредната сезона.

📸 @LukaModric10 firmó el contrato en la Ciudad Real Madrid acompañado por el presidente Florentino Pérez.#Modrić2022 pic.twitter.com/Wj6isAKwR0

— Real Madrid C.F. (@realmadrid) May 25, 2021