Официјално: Агим Ибраими пронајде нов клуб

Поранешниот македонски репрезентативец Агим Ибраими од денес е нов играч на албански Кукс.

Кукс на социјалните мрежи го потврди Ибраими кој во клубот доаѓа како слободен играч. Ибраими остана без клуб откако спогодбено се раздели со Шкендија пред почетокот на сезоната.

Ибраими во кариерата покрај Шкендија настапуваше за Астана, Каљари, Ескишехирспор, Олимпија, Марибор и Салцбург.

Треба да се спомене и дека три пати беше прогласуван за најдобар фудбалер во Македонија, со Марибор се избори за настапи во Лигата на шампионите и Лигата на Европа.