Македонските одбојкари го претрпеа и вториот пораз во своето деби на Европскиот шампионат , откако загубија од Турција со 3:0.
На самиот почеток на мечот Турците ја наметнаа својата игра, па речиси во ниту еден момент не дозволија да бидат загрозени, а сетот го добија со 25-22.
Шанса да станеш YouTuber! Приклучи се! ↓↓↓
Во вториот сет, далеку подобра игра на жолто-црвените кои имаа и водство се до 19:19. Но, во продолжението противникот ни дозволи да освоиме само четири поени, па и тој сет им припадна на Турците сега со 25-23.
Нашата играта комплетно се распадна во третиот сет кога по водството од 3-1, противникот со нова серија од 6-0 направи недостижна предност која до крајот само се зголемуваше, па сетот заврши со резултат 25-13 за конечни 3:0 за Турција.
„Не вреди ни да се коментира овој натпревар, беше големо разочарување од секој аспект. Имавме голема немоќ, два сета губиме со голема разлика. Направивме само еден директен поен во три сета, а противникот осум. начи тотално сме надиграни, но не од еден квалитетен противник, Турција нема тим за високи дострели“, изјави селекторот Јошко Миленковски.