Нејмар призна: Ми недостигаат Меси и Суарез!

Нејмар додатно ги разгоре шпекулациите дека не е среќен во Париз, откако даде носталгична изјава за неговите поранешни соиграчи од Барселона.

Нејмар минатото лето направи трансфер во ПСЖ вреден 222 милиони евра, но призна дека му недостастуваат Меси и Суарез.

Бразилецот беше дел од популарното „МСН“ трио и потврди дека биле големи пријатели со Меси и Суарез.

„Бевме одлични со Меси, а потоа дојде и Суарез. Тоа беше шлаг на тортата. Ние тројца бевме супер за тимот. Меси и јас сме блиски со Суарез, станавме неразделни и добро се согласувавме“, истакна Бразилецот.

„Бевме толку блиски што се смеевме еден со друг кога некој нешто ќе погрешеше. Имавме големо пријателство. Она што ми недостига од Барселона е играњето со Меси и Суарез, ми недостигаат. Бевме среќни, бевме пријатели“, додаде Нејмар.