Натпревари од Серија А ќе се играат во Кина?

Претставници од Серија А започнаа преговори со фудбалската Федерација на Кина за играње на натпревари од италијанското првенство во азиската држава.

Планот е двете држави да се договорат за секој викенд по еден натпревар од Серија А да биде одигран во Кина и тоа во наредните три години, притоа да се договорот пријателски натпревари помеѓу двете репрезентации.

„Италијанската фудбалска федерација ќе предложи договор со кој ќе ги натера кинеските компании да инвестираат во Серија А. Исто така Италија ќе овозможи тренинзи и друго фудбалско искуство за развивање на кинескиот фудбал“, стои во соопштението.

Una partita di Serie A in Cina? Se ne discute domenica con Figc e Lega: La notizia appena battuta dall'ANSA potrebbe dare un risvolto orientale al campionato di Serie A. https://t.co/WlORRq0Shj pic.twitter.com/naPVA28SRv

— ParmaLive (@ParmaLiveTweet) March 22, 2019

За да се оствари овој план треба двете страни да добијат дозвола од ФИФА, која пак жестоко се противи за играње на натпревари од национални првенства во други држави.

Поради тоа овој план е тешко остварлив, а многу поверојатно е натпреварите од италијанскиот Суперкуп да се играат во Кина, што беше случај и во минатото.