Модриќ откри со кој фудбалер никогаш нема да игра

Лука Модриќ, искусниот играч кој оваа година му помогна на Реал да стигне до третата последователна титула во Лигата на Шампионите, кој својата репрезентација ја водеше до финалето на Светското првенство во Русија, кој неодамна ја освои престижната награда за најдобар играч, кој би можел да ја освои Златната топка отворено зборуваше за Меси и Роналдо.

Поранешниот играч на Тотенхем и Динамо Загреб со суперлативи зборуваше за Роналдо:

„Поминавме шест прекрасни години во Мадрид, за тоа време изградивме големо пријателство и меѓусебно почитување. Тој го напушти Мадрид, но ние и понатаму сме во контакт“, изјави Модриќ.

Кога станува збор за најголемиот ривал на Кристиано Роналдо, Лео Меси, Модриќ кажа неколку зборови:

„Јас играм против него, не со него. Јасно е дека Меси е еден од најдобрите играчи во историјата на фудбалот, но ние никогаш нема да играме заедно“.

На крајот, хрватскиот играч за врска коментираше и за состојбата во Реал, како и за тоа дека Лопетеги има неколку натпревари до големото „Ел Класико“ и дека се надева дека ќе покаже дека е вистинскиот човек за оваа работа.