Милан и Наполи ги поделија бодовите, Елмас одигра цел натпревар

Во дербито на 13. коло во италијанската Серија А, Милан го пречека Наполи, а натпреварот заврши со резултат 1:1.

Ова беше дуел на тимовите кои во последно време се наоѓаат во криза. Поради тоа беше јасно дека и за едните и за другите ќе беше добро да ги освојат сите три бода, но на крајот мораше да се задоволат со реми.

Милан нешто подобро го отвори натпреварот, но Наполи дојде до водство, кога Лозано во 24. минута го совлада Донарума за 0:1.

Сепак, само пет минути подоцна Милан стигна до израмнување, кога Бонавентура постигна еврогол, а со тоа ја прекина и долгата голгетерска криза.

Иако овие 1:1 после пола саат игра ветуваа, во продолжение од натпреварот немаше поголеми изненадувања и резултатот остана непроменет до крајот на натпреварот.

Нашиот репрезентативец Елиф Елмас го одигра целиот натпревар за гостинскиот тим, во кој заработи жолт картон поради глума.

Наполи е седми на табелата со 20 бода, додека Милан со 14 освоени бода е на 13. место.