Крај на сагата: Ѓоковиќ ќе биде депортиран од Австралија

Најдобриот светски тенисер Новак Ѓоковиќ мора да си замине од Австралија , одлучи утрово Федерачниот суд на Австралија. 

Австралискиот Федерален суд составен од тројца судии утрово по средноевропско време донесе конечната одлука по жалбата на Новак Ѓоковиќ за неговата поништена виза за влез во Австралија и настап на првиот Гренд слем во годината АО.

Судот, како што информираше главниот судија Џастис Алсоп, едногласно донел одлука Ѓоковиќ да ја напушти Австралија и да остане без настап на турнирот во Мелбурн.Притоа,е одлучено и Новак Ѓоковиќ да нема право на жалба на ова решение.

Сослушувањето траеше шест часа по што беше донесена конечната одлука.

Најдобриот светски тенисер пристигна во Австралија со медицински доказ за ослободување од вакцинација и потоа следуваше двонеделна тортура која конечно заврши утрово.