Ѓоковиќ забележа нов пад на АТП-листата

Српскиот тенисер Новак Ѓоковиќ се најде на пониска позиција и на денес објавената АТП-листа го зазема четвртото место.

Ѓоковиќ, кој одлучи да не учествува на неодамна завршениот мастерс во Мајами, сега е четврти тенисер во светот со 4.720 поени.

Прв е и натаму Шпанецот Карлос Алкарас со 13.590 поени. Второто место со 12.400 поени го зазема Италијанецот Јаник Синер, кој ја освои титулата на мастерсот во Мајами, додека трет е со 5.205 поени Германецот Александер Зверев, кој го престигна Ѓоковиќ на АТП-листата.