Италијанците најдоа замерки: Соблекувалните во Зеница биле многу мали (Видео)

Меѓу вечерните плејоф натпревари најголемо внимание привлекува дуелот во Зеница, каде што Босна ќе ја пречека Италија, а воoчи овој натпревар, Италијаните изразија незадоволство од состојбата на соблекувалните на стадионот.

„Ла Стампа“, еден од најпознатите медиуми во Италија, објави видео на социјалните медиуми, во кое ја покажува состојбата во соблекувалните, нагласувајќи дека се многу тесни и далеку под стандардот на кој се навикнати нивните играчи. Освен тоа, го забележаа и квалитетот на туш кабините како недоволно добар.

„Ова е стадионот во Зеница каде што Италија ќе игра во плејофот за Светското првенство. Просторот е многу ограничен и не е ни приближно до стандардите кои се очекувани“, стои во нивниот пост.

Натпреварот, како и останатите, ќе се одигра во терминот од 20:45 часот.

Слики од соблекувалните на стадионот „Билино Поле“ во Зеница, каде што Италија ќе ги одмери силите со Босна и Херцеговина во финалето на плејофот за Светското првенство во 2026 година. Просторите се многу тесни и далеку од стандардите на кои се навикнати играчите на националниот тим. Туш кабината… pic.twitter.com/Gn3lYQP65Q

— La Stampa (@LaStampa) March 31, 2026