Скандал со продажбата на „Сан Сиро“, финансиската полиција влезе во градското собрание на Милано

Вкупно девет луѓе се под истрага откако италијанската финансиска полиција изврши претреси во градското собрание на Милано и во компанија во сопственост на Интер и Милан, која управува со „Сан Сиро“, објави „Ројтерс“. Меѓу осомничените се поранешниот генерален директор на Интер, Алесандро Антонело, претставници на двата клуба, како и генералниот директор на градот Милано, Кристиан Малангоне, кого медиумите го опишуваат како десната рака на градоначалникот Џузепе Сала.

Обвиненијата се однесуваат на „bid rigging“, односно тајно договорени местења на тендер. Ова претставува антиконкурентно однесување при кое претпријатија што треба да бидат конкуренти се договараат тајно за да влијаат на исходот од јавна набавка. Истражителите се фокусираа на начинот на кој на крајот од септември беше одобрена продажбата на 28 хектари јавна земја каде што се наоѓа „Сан Сиро“, за вкупна сума од 197 милиони евра (приближно 227 милиони долари).

Минатата година, историскиот стадион беше продаден на Интер и Милан. Двата клуба планираат да го рушат „Сан Сиро“ откако ќе изградат нова арена со капацитет од 70,000 места на парцелата веднаш до сегашниот стадион.