Замената за Кеси Милан ја носи од Бундеслигата?

Eден од најдобрите играчи на Милан, репрезентативецот на Брегот на Слоновата Коска Франк Кеси според последните најави е на чекор од трансфер во Барселона, а управата на Милан веќе е во потрага по негова замена.

Како што пишуваат италијанските медиуми „росонерите“ на лето би можеле да го ангажираат фудбалерот за врска на Хофенхајм, Флорија Грилич.

Австрискиот фудбалер беше блиску до Рома во зимскиот преоден рок, но трансферот тогаш пропадна, а за 26-годишникот од Австраија интерес покажале наводно и ривалите на „росонерите“, Интер и Јувентус.

Договорот на Грилич со Хофенхајм истекува на крајот од сезоната и голема е веројатноста дека нема да го продолжи договорот, така фудбалерот би бил слободен во изборот на новата средина. Дресот на Хофенхајм Грилич го носи од 2017 година.