Ернесто Валверде не е задоволен во Барселона!?

Екипата на Барселона е на чекор од освојување на двојна круна во Шпанија, но и покрај тоа атмосферата во тимот не онаква каква што се очекува.

Имено, поразот од Рома и елиминацијата од Лигата на шампионите наводно ги здрмал водечките структури на клубот, а тренерот Ернесто Валверде смета дека му дадена потребната поддршка.

Мадритскиот весник „Ас“ пишува дека Валверде дури и размислува за заминување на крајот од сезоната доколку почуствува дека управата нема доверба во него.

„Ас“ исто така наведува и дека Валверде е незадоволен од односот на раководството кон него. Наводно тој се сомнева дека членови на управата во медиумите на денот на финалето кое Барселона го доби со 5:0 пуштиле приказна дека работата му „виси на конец“ доколку не победи.

Сепак со оглед на тоа дека на Барселона и е потребен само еден бод, Каталонците за викендот ќе ја потврдат двојната круна, а во летото кое следи ќе дознаеме дали сето ова се само медиумски шпекулации или пак навистина Валверде размислува да направи радикални потези.