Деспотовски во еуфорија: Ние сме ненормална репрезентација!

Македонските одбојкари денес направија чудо!

Репрезентацијата на Македонија денес ја победи Словенија, иако ретко кој очекуваше пред почетокот на натпреварот. Словенците денес ги победивме со 1:3.

Од самиот старт се забележа дека Македонија денес е максимално мотиврана да ги изненади фаворизираните Словенци. Првиот сет го добивме со 24:26.

Во вториот сет после голема борба и неколку наши пропуштени меч топки успеавме да славиме со 28:30. Третиот сет го доби Словенија.

Четвртиот сет изгледаше дека ќе го загубиме и ќе влеземе во петти сет, но за наша среќа тоа не се случи и однесовме голема победа

После натпреварот разбирливо сите беа во еуфорија, па такви беа и изјавите.

„Мислев дека ќе ги победиме Финска и Турција, но ние славевме против Белорусија и Словенија. Ова е одличен резултат за нас и покажавме дека сме ненормална репрезентација. Ги добивме Словенците секаде и во напад и во одбрана. Сега треба да се поклопат коцките и се надевам дека ќе одиме во Франција. “, изјави Деспотовски во микс зоната.