Дома Македонски спорт Вуков извади максимум во Римини, добар почеток на сезоната

Вуков извади максимум во Римини, добар почеток на сезоната

Во еден од најтешките гран при викенди што го очекуваа сезонава, македонскиот пилот Ристо Вуков успеа во два наврати да освои поени со „топ 10″ пласмани, и тоа на отворањето од јубилејното 15. издание од Порше Карера Куп Италија.

Променливите услови за возење подразбираа учество во квалификации во 11 часот наутро, потоа прва трка возена ноќе по рефлектори и втора трка возена во најжешкиот интервал од денот, околу 14 часот, со што беше ставен акцент на инженерската работа и подготовката на возилото.


Вака се слави гол во 120-та минута!!! ↓↓↓


– Откако на слободните тренинзи возев само претпладнето (поради дефект), имав преголема желба за да го покажам напредокот од лани уште во квалификациите. Една ситна грешка со подоцнежно притискање на сопирачките го компромитираше моето најдобро време за четири десетинки и одеднаш се најдов на 17. место. Анализата со инженерите ја направивме со студена глава и без суета, извлековме поуки и видовме како може да се подобриме. Не ми беше сеедно што стартувам далеку од позицијата меѓу првите 10 која што ја посакував, но во првата трка успеав да надополнам и уште од стартот се поправив за 2-3 позиции. Темницата поради слабото осветлување – колку што ми беше проблем мене – им беше очигледно проблем и на ривалите кои направија бројни грешки и контакти. На крај 9. место ми се виде како да сум дошол блиску до подиум, а од таа позиција подоцна стартував и во втората трка. Асфалтот во оваа трка „гореше” и беше достигната температура од речиси 50 степени Целзиусови и морав да ги штедам гумите, но откако избив на седмо место, имав ситуација во која ниту јас напредував, ниту другите ме стигаа. Во последните кругови имав исто темпо со победникот во трката и тоа многу ми значи за самодовербата. Целта ми е на следниот викенд во Муџело да се подобрам во квалификациите и да имам уште подобри резултати, свесен сум дека тоа е можно! На крајот, сакам да изразам благодарност до сите кои ми помогнаа да смогнам сили и да учествувам на оваа трка, пред се Агенцијата за млади и спорт, Саник, Компанија Атанасовски, Халк Осигурување и уште многу други.

Вуков освои седум бода во првата трка, односно десет бода во втората трка. Во генералниот пласман тој е на 8. место со 17 бода. Ланскиот шампион и победник во втората трка, Симоне Јакинта, има 60 бода, колку и Албеерто Черки, па обајцата водат на табелата. Следниот гран при викенд се вози на патеката Муџело крај Фиренца, при што повторно ќе има две трки, на 3 и 4 јули. 

Коментари
Прочитајте поврзани статии
Load More In Македонски спорт

Проверете

Македонија направи чекор назад на ФИФА ранг листата

Македонската фудбалска репрезентација на најновата ФИФА ранг листа која ќе биде објавена н…