Видео: Лукаку му донесе голема победа на Интер

Интер оствари голема победа на гостувањето кај Болоња (1:2), а херој за „нероаѕурите“ беше Ромелу Лукаку.

„Нероаѕурите“ за момент се искачија на првата позиција на табелата и ќе го чекаат исходот од торинското дерби.

После монотоното прво полувреме гледавме вистинска „драма“ во вториот дел. Болоња поведе во 59-та минута со голот на Соријано, а потоа на сцена стапи Лукаку.

Белгиецот израмни во 75-та минута, а во судиското продолжение беше прецизен од белата точка за голема победа на Интер.