ВИДЕО: Додека сите ја гледаа кавгата на Мурињо со навивачите, на другата страна Марсијал направи одличен потег

Манчестер Јунајтед вчера во гости ремизираше против Челзи (2:2) во дербито од деветтото коло во Премиер лигата.

„Црвените ѓаволи“ во второто полувреме на кријлата на Ентони Марсијал достигнаа пресврт и поведоа со 2:1, но „Сините“ во последните секунди од натпреварот дојдоја до реми со голот на Баркли. Натпреварот на крајот го обележи Жозе Мурињо кој се судри со еден од членовите на стучниот штаб на Челзи, поради што доби жестоки свирежи од трибините.

Додека многумина гледаа што се случува со Мурињо и навивачите на Челзи, на другиот крај од теренот, Марсијал направи одличен потег. Тој отиде до трибините каде што беа навивачите на Манчестер Јунајтед за да го даде дресот на еден од навивачите на овој клуб.

Францускиот напаѓач кој претходните месеци ја грееше клупата на Јунајтед доби големи овации, но покажа дека Мурињо може сериозно да смета на него во остатокот од сезоната.

Best video of the day ? @AnthonyMartial #MUFC

?: @mufcaways_ pic.twitter.com/22X1bdf44J

— Manchester United (@ManUtd) October 20, 2018