Вест Хем носи засилување од Барселона?

Десниот бек на Барселона Муса Вага е на чекор од трансфер во Вест Хем.

„Мундо Депортиво“ пренесува дека двете страни се блиску до договор, само прашање е која од двете опции ќе ја избере.

Првата е позајмица на една година со право на откуп за 16 милиони евра, додека другата е Вест Хем да го откупи за 10 милиони евра.

Сенегалецот во Барса пристигна летото 2018 година од белгискиот Еупен непосредно откако испиша историја на Мундијалот во Русија како најмлад афрички стрелец на СП со 19 години и 263 денови.

Вага не ги исполни очекувањата на „Камп Ноу“ одигра само три натпревари за првиот тим и тоа во финишот на минатата сезона, а оваа сезона ја помина на позајмица во Ница која одби да плати 10 милиони евра за негов откуп.