Вардар го раскина договорот со Обрегон

Вардар и колумбискиот играч Џон Обрегон спогодбено ја раскинаа соработката, потврди денес македонскиот шампион на својата интернет страна.

Обрегон, на почетокто на сезоната, беше донесен како засилување во напаѓачкиот ред на актуелниот шампион но не ги оправда очекувањата.

Колумбиецот одигра вкупно седум натпревари во сите натпреварувања и постигна три гола, сите во македонскиот Куп.

„Џон Обрегон од денеска не е повеќе член на ФК Вардар. Со овој фудбалер нашиот тим спогодбено го раскина договорот, и тој може да си бара нова средина. ФК Вардар му се заблагодарува на Џон Обрегон за придонесот во овие неколку месеци минати во клубот, и му посакува се најдобро во неговата понатамошна кариера“, се вели во соопштението на Вардар.

Обрегон е вториот играч со кого Вардар ја раскина соработката, претходно од клубот замина дефанзивецот Немања Мијушковиќ.