Важни информации од РФМ за вечерашниот ракометен спектакл

Ракометна федерација на Македонија објави важни информации за сите кои ќе присуствуваат на вечерашниот ракометен и музички спектакл во „СЦ Борис Трајковски“.

Во продолжение во го пренесуваме краткото соопштение од РФМ со логистичките информации кои треба да се почитуваат за се да помине во најдобар ред.

„Сите билети за настанот „Сите ѕвезди за СОС Детско село“ се распродадени. За целите на успешна реализација на настанот, љубезно ве информираме за следново:

– Вратите за влез во арената „Борис Трајковски“, се отвараат во 17:30 часот, а се затвараат во 18:50 часот.

– Програмата ќе започне во 19:00 часот.

Ви благодариме за хуманоста и ви посакуваме да уживате во вечерашниот настан!

Со почит,

Ракометна Федерација на Македонија“, објавија од РФМ.