РФМ изба нов селектор за генерацијата до 20 години!

Младинската ракометна репрезентација на Македонија до 20 години ќе настапи со нов селектор на претстојното Европско првенство, откако досегашниот предводник Наум Танески поднесе оставка од функцијата.

Ракометната федерација за негов наследник го назначи Игор Илиевски, кој ќе ја предводи националната селекција на континенталниот шампионат во Романија.

Европското првенство ќе се одржи од 8 до 19 јули, а младите македонски ракометари ги очекуваат сериозни предизвици во групната фаза, каде што ќе се соочат со селекциите на Данска, Норвешка и Хрватска.

Илиевски зад себе има успешна работа во младинските категории, а особено се истакна со кадетскиот состав на Пролет, со кој успеа да ја освои шампионската титула.