Maнчестер Јунајтед, наводно, го понудил својот капитен Бруно Фернандеш на Барселона како дел од пакетот за доведување на Френки де Јонг на Олд Трафорд. Ова го пишуваат некои шпански и англиски медиуми кои наведуваат дека на повидок може да има голема зделка меѓу двата клуба.
Де Јонг дресот на Барселона го носи од 2019 година кога за сума од 75 милиони евра пристигна од Ајакс. За каталонскиот клуб, 26-годишниот холандски играч за врска одигра 213 натпревари, постигна 17 и асистираше за 21 гол за своите соиграчи. Во дресот на Барса освои три трофеи, меѓу кои и титулата во Ла Лига минатата сезона.
Александар Вучковски - сомелиер: Како македонските вина го освојуваат светот? ↓↓↓
Фернандеш е дел од тимот на Јунајтед од 2020. Англискиот гигант го доведе од Спортинг во за сума од 65 милиони евра, а според „Трансфермаркт“, денес вреди 70 милиони. За тимот на Јунајтед Фернандеш одигра 230 натпревари и во нив постигна 79 гола и додаде 64 асистенции. Единствениот трофеј го освои минатата сезона кога со „црвените ѓаволи“ го освои ЕФЛ купот.
Според пишувањата на медиумите, Јунајтед и понудил на Барселона Фернандеш и 20 милиони евра за услугите на Де Јонг.
Учество во игри на среќа е дозволено за лица со 18+ години. Играј одговорно!