Баерн Минхен ја сака ѕвездата на Наполи

Италијанските медиуми пренесуваат дека Баерн Минхен е силно заинтересиран за напаѓачот на Наполи, Виктор Осимен.

Приоритет на Баварците ова лето ќе биде доведување на врвен напаѓач,  а прва желба е токму Осимен.

Италијанските медиуми пренесуваат дека Баварците веќе стапиле во контакт со агентот на напаѓачот, кој е отворен за преселба во Баерн.

Левандовски изрази желба да го напушти клубот, а во Баерн веруваат дека Нигериецот ќе биде идеална замена и одлично ќе се вклопи во тимот.

Сепак, Наполи нема лесно да се откаже од него и за слободата на Осимен бара 100 милиони евра, а покрај Баерн интерес за него покажува и Манчестер Јунајтед.