Атанасов постигна гол од 30 метри, Адеми го најави пресвртот во второто полувреме 🎥

Во големото хрватско дерби Динамо Загреб го победи Хајдук со 4:1.

Клубот од Сплит во судиското продолжение од првиот дел дојде до предност и тоа со фантастичен гол од 30-тина метри на македонскиот фудбалер Јани Атанасов. Атанасов на теренот беше до 60. минута, а тогаш Динамо постигна гол за изедначување.

Четири минути подоцна вториот македонски репрезентативец Аријан Адеми се запиша во листата на стрелци за целосен пресврт на хрватскиот тим. До крајот погодуваа Гојак и Оршиќ за конечни 4:1.