Ја украде топката и тргна да забие, а потоа видовме една од најморничавите повреди во НБА (Видео)

Победата на Голден Стејт Вориорс против Далас Маверикс (137:131) во Тексас требаше да биде една од оние големи, „воинствени“ победи по продолженија, но наместо славје во таборот на екипата од Сан Франциско владееше молк. Причина беше страшната, бесконтактна повреда на младиот бек Мозес Муди, кој беше изнесен од теренот на носилки.

Сето се случи во самиот финиш на продолженијата, на нешто повеќе од минута пред крајот. Муди одигра одлична одбрана, протна топката од првиот пик на последниот драфт, Купер Флег, и се струполи во контрата. Се чинеше дека ќе биде лесно забивање, но во моментот кога се обиде да се одрази со левата нога, коленото едноставно „откажало“.