Алвес за Тите: Во една работа е најдобар во светот, ниту Гвардиола не може да му се доближи

Дани Алвес иако е во поодминати години сепак и понатаму прикажува неверојатна форма, а недомна стигна до својот 40-ти трофеј вкупно во кариерата.

Алвес со Бразил ја освои Копа Америка, а сега имаше пофалби за селекторот на „Кариоките“, Тите. За Алвес Тите во една работа е најдобриот тренер во светот.

„Кога во прашање е менаџментот и однесувањето кон играчите, дури ниту Гвардиола не може да му се приближи. Тите во тој поглед е најдобар тренер во светот“.

„Меѓутоа поради бразилскиот менталитет кој секогаш бара резултати неговиот квалитет не може да дојде до израз. Тоа е невистина штета. Него сакаа да го сменат веднаш после СП затоа што не го освоивме, а една година подоцна тој ист човек не одведе до титула на Копа Америка. Затоа треба да земеме пример од Шпанците и Германците кои на своите селектори им даваат време да работат. Тите заслужува да му биде дадено“, изјави Алвес.