Јувентус на чекор од првото зимско засилување

Белгискиот репрезентативец и член на Зенит, Аксел Витсел се наоѓа на само чекор од трансфер во Јувентус, пренесуваат италијанските медиуми.

Витсел уште во летниот преоден рок требаше да стане член на „старата дама“, но рускиот клуб во последен момент го блокираше трансферот.

Витсел веќе има договор со „бјанконерите“ и на крајот на сезоната може да пристигне како слободен играч, но Јувентус сака да го донесе уште во зимскиот преоден рок.

Италијанските медиуми пренесуваат дека италијанскиот шампион доставил понуда од Зенит од 6 милиони евра и дека играчот е пред трансфер во Торино.