Јувентус започна преговори за Пасторе

Италијанските медиуми пренесуваат дека раководството на Јувентус веќе започнало да работи на трансферот на ѕвездата на ПСЖ, Хавиер Пасторе.

Пасторе оваа сезона не добива голема минутажа кај тренерот Унаи Емери, па не е задоволен од својот статус, а таквата ситуација сака да ја искористи Јувентус.

„Старата дама“ е во потрага по квалитетен играч за врска, а тренерот Алегри исклучително го цени Пасторе уште од времето кога овој играше во Палермо.

Медиумите тврдат дека „бјанконерите“ веќе оствариле првичен контакт со агентот на играчот и Пасторе е отворен за враќање во Италија, па наскоро ќе започнат преговори со ПСЖ.

Аргентинецот има договор со „светците“ до 2019 година, па за „старата дама“ ќе биде тешко да го убеди францускиот клуб кој не сака да го продаде фудбалерот, особено не во зимскиот преоден рок.