Шкендија верува: Можеме до пресврт против Рига

Утре Шкендија ја пречекува Рига во реванш дуел од Конференциската лига.

Рига на домашен терен во претходниот натпревар победи со 2:0 и има одлична предност пред утрешниот реванш на Арената во Скопје.

Меѓутоа Шкендија не се предава и верува дека може да дојде до пресврт против тимот од Летонија.

„Да бидеме реални, не играме лошо но никако да ни проработи нападот. Ако успееме да ја подобриме реализацијата ќе можеме да славиме против Рига. Нашата цел останува пласман во следното коло“, изјави тренерот на Шкендија, Ернест Ѓока.

„Знам дека можеме да славиме против Рига, затоа што и поразот на првиот дуел дојде по наши грешки. Ако бидеме посконцентрирани во нападот, резултатот ќе биде поразличен“, изјави Ибраими.