Баерн го доведе Мусијала летото 2019 година од младинската школа на Chelsea за само 200.000 евра, а седум години подоцна неговата пазарна вредност според Transfermarkt достигнува дури 100 милиони евра.
Тоа значи дека вредноста на 23-годишниот офанзивен играч за врска се зголемила дури 500 пати во однос на сумата што Баварците ја платија на лондонскиот клуб.
Мусијала во еден период вредеше и повеќе. Помеѓу декември 2024 и јуни 2025 година, неговата пазарна вредност достигна рекордни 140 милиони евра, пред да биде коригирана на сегашните 100 милиони.
Chelsea тогаш реши да го пушти еден од најголемите таленти на својата академија, а во Баерн Мусијала многу брзо покажа за каков бисер станува збор. Денес е незаменлив во тимот на минхенскиот клуб и еден од клучните играчи на германската репрезентација.
Бројките најдобро го говорат неговиот учинок. Во дресот на Bayern одигра 235 натпревари, постигна 71 гол и запиша 46 асистенции, потврдувајќи го статусот како еден од најопасните офанзивци во Европа.
За репрезентацијата на Германија настапи 46 пати и постигна 10 гола, а веќе со години е стандарден член на првиот состав.
Мусијала на почетокот на годината го продолжи договорот со Bayern до 2030 година, со што клубот јасно покажа дека сака да ја гради иднината врз него.
Учество во игри на среќа е дозволено за лица со 18+ години. Играј одговорно!